sábado, 1 de xuño de 2019

Ola. Para mañá non hai entrada.

Ola de novo. 

En fin, eu tamén estou de final de curso, así que ando liado e non vos subín nada desta.

Así que mañá 2 de xuño do 2019 non traiades nada, falaremos un pouco ao saír da misa.

Saúdos. 

sábado, 18 de maio de 2019

A Síndone de Turín e o Sudario de Oviedo.



Ola de novo. 

Supoño que teredes visto algunha vez capítulos de series como "CSI", "Mentes criminais" ou documentais que analizan a resolución de crimes a partir do estudo forense (é decir, do exame médico das probas e dos corpos sobre os que se cometeron delitos) dos casos.

En España temos unhas cantas eminencias na materia, como o profesor da USC Ángel Carracedo, natural de Santa Comba e autoridade mundial en xenética, ou o doctor Alfonso Sánchez Hermosilla, forense, antropólogo forense e xefe de sección de clínica forense no Instituto de Medicina Legal de Murcia.

Agora ben, supoñedes que pode efectuarse un estudo forense sobre un crime cometido hai 2000 anos e do que non temos cadáver? Pois amparándose nos seus coñecementos de mediciña forense o Dr. Sánchez ten feito estudos que considero bastante profundos sobre a Sábana Santa de Turín e o Santo Sudario de Oviedo.

Destas mesmas reliquias, das que mesmo hoxe hai dúbidas da súa autenticidade, que comenta neste artigo.

Acerca da relación entre estas dúas reliquias, o doctor Sánchez dou unha conferencia no Santuario da Divina Misericordia de Murcia, o 12 de abril de 2015. Guíndovola de seguido e se queredes a comentamos en catequese. 




Se vos interesa o tema da Síndone de Turín, aquí tendes outro vídeo curioso con outros achádegos recentes. 


Deica. 

A construción do Reino de Deus.


Ola de novo. Desculpade polo atraso.

Hoxe quería falarvos do Reino de Deus. Témolo no libro a partir da páxina 68 do libro. Consiste na “boa nova”, na noticia que Xesús da do Reino de Deus.


Evidentemente o mundo é un lugar complicado, duro, inxusto e mesmo cruel. No “Padrenuestro” decimos “fágase a túa vontade así na Terra como no Ceo”. Dende logo que non é vontade de Deus que as cousas vaian mal na Terra, que haxa inxustiza ou crueldade.

Fagamos un pequeno resumo do que di o libro:

Poderíamos resumir que o Reino de Deus é a nova orde moral e social que Xesús ven instaurar na humanidade. O que Xesús pretende é renovar o home e a Creación.

O Reino de Deus consiste en entender que Deus é o noso Pai, que somos familia e que debemos tratarnos coma irmáns. A Terra enteira pasa ser a casa de todos, polo que debemos ter relacións xustas, libres e pacíficas entre os diferentes pobos, e por suposto a Terra debe ser coidada con criterios ecoloxistas. Con isto temos que camiñar cara unha vida en plenitude.

Este reino comezou propiamente coa predicación de Xesús. Deus levará este reino á súa plenitude ao final dos tempos.

Como vedes na páxina 70, hai diferentes xeitos de construción do reino de Deus:
Descubrir unha vacina que evite epidemias é colaborar coa construción do Reino de Deus.
Unha ONG que salve vidas de náufragos no Mediterráneo colabora coa construción do Reino de Deus.
Un voluntario que adica o seu tempo a nenos orfos colabora coa construción do Reino de Deus.

E agora a pregunta:

Conocedes alguén que traballe a favor do Reino de Deus? Cómo podes contribuir ti?


Saúdos.

sábado, 13 de abril de 2019

Unha audiencia co Papa Francisco.

Ola de novo. 

Por se non o sabíades, tras unha longa guerra civil o ano 2011 Sudán do Sur, de maioría cristiá, independizouse do réxime musulmán de Sudán, convertíndose nun dos países máis novos do mundo.

Con todo isto non valeu para frear a violencia entre clans cristiáns sudaneses. Intentando abrir un camiño para a paz o Papa Francisco invitou a falar no Vaticano a líderes políticos e eclesiásticos sudaneses, para un retiro espiritual enfocado a manter o armisticio declarado entre as partes. Ao rematar a reunión o Santo Pai, que ten xa 83 anos e como vedes non camiña nin se inclina demasiado ben, tirouse ao chan para bicar os pes dos representantes sudaneses, pedíndolles un esforzo no proceso de paz.


Podedes velo tamén nesta nova do diario La Vanguardia

Comentarémolo no Catecismo. 

Saúdos. 

O estilo de vida de Xesús.

Ola outra vez. 

Quixera que lérades un momento a páxina 56. É sobre o estilo de vida de Xesús.

Unha vez que o teñades lido, vos pido que respondades no papeliño á seguinte pregunta:

Decepcionou Xesús aos seus? 

Saúdos. 

sábado, 6 de abril de 2019

Non vou mañá, día 7 de abril.

Ola a todos. 

Só escribía para recordarvos que mañá 7 de abril non vou estar no catecismo.

Conto de poñervos estes días algo máis para o próximo domingo.

Iso si, hai que ir a misa igual.

Saúdos. 

venres, 29 de marzo de 2019

Sobre o purgatorio.

Ola outra vez. 

Quixera que viñérades listos para falar do inferno, do ceo e do purgatorio. Charlaremos un pouquiño sobre o que é cada cousa.

Modernamente hai testemuñas moi curiosas sobre o purgatorio. Unha é de Vicka, a vidente de Medjugorje á que María levou ao purgatorio, e cómo modificou a súa vida. Apenas dura 10 minutos. 




Outra testemuña é a de María Vallejo Nágera, a española convertida en Medjugorje que despois adicouse a escribir pola fe. Pode estar interesante vela.

Falamos, deica logo. 

Quén é Xesús para ti?


Ola de novo.

Xa tiña posto o ano pasado a charla do P. Quique Cabrera, que é párroco en Collado Villalba.

Aquí tendes unha presentación duns poucos segundos nas que resume todo canto pode a súa labor de sacerdote.


Agora ben, o P. Quique non foi sempre cura. De feito resultou ser un xove máis ben complicado. Se queredes escoitar a historia da súa vida podedes vela no seguinte video, que é un pouco largo, pero eu recoméndoo. Cada vez que o vexo pártome coas barbaridades que conta de cando era novo.


Ben, no primeiro vídeo, o P. Quique da unha visión persoal de Xesús.



Le a páxina 49 do libro e contesta: para tí quén é Xesús? Chega con tres ou catro liñas.

Saúdos.


sábado, 23 de marzo de 2019

A Biblia, moi, pero que moi resumida.

Ola outra vez. 


Non sei se conocedes ao P. José Antonio Fortea Cucurull, máis coñecido como P. Fortea.

Desta vez vos poño catro vídeos nos que él, que ten lido a Biblia máis de 50 veces, nos di un relato o máis resumido posible do libro. 















Como seguramente non sabedes quén é o P. Fortea, e non creo que saibades que foi o exorcista máis conocido de España, mesmo pódense atopar vídeos dos seus exorcismos. Pero xa vos aviso que se sodes impresionables non os vexades nin tan siquera os busquedes. 

Falando precisamente diso, no seguinte vídeo o P. Fortea relata a importancia da consagración á Virxe María en contraposición a aqueles que tiñan feito unha consagración ao mal. A partir do minuto 5:15 o P. Fortea relata unha experiencia propia nun exorcismo que produciu nel unha forte impresión. 




Saúdos. 

Problemas co teu hirmán?

Ola de novo. 



Vos poño agora uns versículos do capítulo 18 do Evanxeo segundo San Mateo.


A corrección fraterna (Lc 17, 3)

15Se teu irmán peca contra ti, vai e repréndeo; pero ti só con el. Se te escoita, conquistaches o teu irmán. 16Se non te escoita, leva contigo un ou dous, para que por medio de dúas ou tres testemuñas quede resolto o asunto. 17Se non vos fai caso, dillo á comunidade; e se tampouco lle fai caso á comunidade, sexa para ti como un pagán ou un recadador de impostos. 18Asegúrovos que o que atedes na terra será atado no ceo, e o que desatedes na terra será desatado no ceo.

Oración en común

19Asegúrovos tamén que se dous de vós se poñen de acordo na terra para pedir calquera cousa, conseguirano do meu Pai celestial. 20Porque onde están dous ou tres reunidos no meu nome, alí no medio estou eu.

Perdón das ofensas (Lc 17, 4)

21Entón Pedro, achegándose, preguntoulle:
‑Señor, ¿cantas veces terei que perdoar a meu irmán se me segue ofendendo? ¿Ata sete veces?
22Respondeulle Xesús:
‑Non che digo ata sete veces, senón ata setenta e sete.

E agora a pregunta:

Qué teñen que ver estes versículos cos dez mandamentos? 

Saúdos. 

martes, 12 de marzo de 2019

Sobre o ocultismo.

Ola outra vez. 


Desta vos poño un vídeo cunha charla do pai Ghislain Roy, de Québec. Xa vos teño posto algún vídeo del. 

A charla é propiamente unha denuncia do asunto do ocultismo, que para ser algo que trata do oculto está sorprendentemente presente nas nosas vidas: astroloxía, cartomancia, meiguería, espiritismo... están sorprendentemente presentes mesmo nos medios de comunicación. 

O pai Ghislain vos invita aquí a deixar de carón todas esas cousas e cambialas por unha vida en estado de gracia e en contacto constante cos sacramentos. 

Por suposto, é voluntario, pero creo que valía a pena que o vírades. 



Saúdos. 

De camiño...

Ola de novo, e perdón polo retraso.  


Tocaría agora o tema 6, "Estamos en camiño".

É de supoñer que coa idade que tendes esteades xa a preocuparvos polo voso futuro, se cadra a facer plans sobre él.

Usualmente a vida é un camiño ben revirado e no que facer que se cumpran os teus sonos, por sinxelos que sexan, pode ser sorprendentemente dificultuoso. Ben, xa vos aviso que é así para case todo o mundo, así que cando aparezan as dificultades asumide que os demáis téñenas tamén. 

Xoguemos logo a pensar no futuro: na páxina 37 tendes as preguntas seguintes:

Qué profesión desexaría exercer? Qué cualidades quixera ter? Cales son as miñas aspiracións? Onde preferiría vivir? 

Por favor, traédeas contestadas. 


Ah, e unha canción que sonaba moito nos meus tempos. 



Saúdos. 

domingo, 24 de febreiro de 2019

Unha nova adicción: ollo á ludopatía.

Ola outra vez. 

Supoño que xa saberedes o que é a ludopatía. Consiste nun transtorno da conduta, propiamente unha adicción, que leva á súa vítima a gastar e gastar sen medida todo canto ten en xogos de azar. Non importa que gañe, xa que o que quere un ludópata é xogar, así que gastará de novo canto gañe xogando ata perdelo todo. Un vicio se cadra tan dañino como a droga.

Lamentablemente, o acceso a Internet está a favorecer este tipo de transtorno da conducta, e xa vos aviso que os rapaces sodes especialmente vulnerables a él, pois xa se pode xogar dende os aparatos móbiles.


En Roma a asociación Comunidade Papa Xoan XXIII fai labor de reinserción de persoas que caeron nesta adicción. Nesta nova falan da súa labor e varios pacientes dan testemuña sobre a súa dependencia. 

Se queredes coñecer a testemuña de alguén que arruinou a súa vida xogando, tendes aquí a José Manuel de Bilbao (aínda que polo seu acento paréceme galego) falando da súa experiencia. Cando o gastou todo comezou a pedir prestado. Cando tamén agotou esa vía comezou roubar. 




Léchedes esta nova sobre un rapaz que roubou nunha tenda de chuches para ir gastar todo nunha casa de apostas? 

Esperemos que non, pero se algún día sabedes dalgunha persoa que ten problemas co xogo podedes poñervos en contacto con Vieiros en Carballo ou coa Asociación Galega de Ludópatas Rehabilitados (Agalure) en Coruña.

Importante: non poderedes cambiar a ninguén por vós mesmos, se intentades iso acabaredes mal. Se unha persoa ten problemas desta índole require asistencia profesional, e mesmo así non é seguro que consiga recuperarse.

Edito: hoxe martes 26 de febreiro atopeime na rede con este artigo sobre os riscos de sufrir adicción. Pode ser interesante de ler.

Saúdos. 





Pertenecer a un lugar.

Ola de novo. 

Xa saberedes que este domingo 3 de marzo non haberá catecismo, polo que esta entrada é para o seguinte domingo, día 10 de marzo. 

Esta vez quero que miredes no libro a páxina 30. Corresponde co capítulo 5, "Pertencemos a un pobo". Tomade un momento para ler esta páxina.

Agora lede a páxina 31. Como verás, hai unha lista das problemáticas sociais máis usuais nas cidades e os pobos de Galicia. Ben, se pertencemos a un lugar, teremos que asumir os seus problemas.

Referidos a esta lista se problemas, na dereita tendes nun globo unha serie de preguntas, escollo estas para que as respondades:

Destes problemas, cales están máis presentes na túa terra? Cal é o máis importante? Cal afecta máis aos xoves? 

Que pasedes ben estes días, un saúdo. 

luns, 11 de febreiro de 2019

A ideoloxía de xénero.

Ola de novo. 

É fácil atopar en Internet conferencias do avogado e historiador Alberto Bárcena, quen enfoca a actualidade aplicando perspectivas católicas. 

Neste caso aborda dun xeito políticamente non correcto o asunto da ideoloxía de xénero. Penso que pode estar ben escoitalo. 

Saúdos. 


Homes e mulleres.

Ola outra vez.

Agora quixera que lérades os cadros da páxina 25. 

O primeiro refírese ás cualidades e funcións do home e da muller. 

O segundo refírese aos problemas e vantaxes de ser rapaz ou rapaza. Por favor, sinalade dúas vantaxes e dous inconvintes que lle vedes á ser rapaz ou rapaza, o escribides e comentámolo no catecismo.

Saúdos. 

martes, 5 de febreiro de 2019

A testemuña de Patricia Sandoval.


Ola outra vez.

Esta vez póñovos a testemuña de Patricia Sandoval.

Patricia é norteamericana de ascendencia mexicana. Cando apenas tiña vinte anos abortou en tres ocasións e posteriormente traballou para unha multinacional do aborto, a famosa Planned Parenthood. Tras pasar por graves circunstancias tivo unha conversión e actualmente é unha das máis importantes conferenciantes provida do mundo, promove a castidade e ten escrito libros pro vida.

Podedes localizar fácilmente a súa páxina en Google, aquí vos poño unha das conferencias que ten impartido. 




Saúdos. 

Somos profetas?


Ola de novo. Desculpade o retraso.

Desta vez quería que mirásedes a páxina 22 do libro, na pregunta ¿Cómo podo ser profeta hoxe?

Nesa pregunta tendes nove puntos sobre os que poderíamos reflexionar.

Escollede tres puntos e escribídeme se algunha vez fixéstedes o correspondente a un profeta, ou se non o fixestedes.

Tranquilos, non vou xulgarvos por iso.

Saúdos. 

domingo, 27 de xaneiro de 2019

Ensinanzas do pai Ghislain Roy.


Ola de novo.

Desta vez quería facervos un regalo: un libriño de oracións "para liberarse e sanar".



Xa debérades ter visto no mesmo blog a páxina que lle adico ás entrevistas e charlas do pai Ghislain Roy.

O pai Ghislain Roy é franco-canadiano, do Québec. Foi curado e liberado por sacerdotes da Renovación Carismática, isto é, sacerdotes que reclaman os carismas do Espíritu Santo. Discípulo de Emiliano Tardiff, él mesmo volveuse un sacerdote carismático e percorría o mundo dando charlas, conferencias e exercendo ministerio de sanación e liberación, se ben agora está máis centrado na súa parroquia de Beauceville.

Tendes máis sobre él na descripción do video que vos poño de seguido. 


Na mesma descripción do video tendes o link para descargar o libriño. De todos os xeitos poñoo aquí para que o baixedes

Outras entrevistas que ten dado e que me parecen ben interesantes son as seguintes, que son entrevistas radiadas que poden simplemente escoitarse. 

A primeira da claves para autoliberarse e vivir en paz. 


A segunda da unha explicación do que é o ocultismo e a súa influencia nefasta, que vos invito a evitar a toda costa, pero da que podedes liberarvos chegado o caso. 



Saúdos. 

Profetas dos tempos novos.

Ola a todos.

Esta vez pídovos que leades o cadro da páxina 20 do libro.

Como podedes comprobar, á esquerda están relacionadas as características dos profetas do Antigo Testamento.

Á dereita hai outro cadriño en branco sobre o que fan os xoves de hoxe, para comparalos.

Pídovos que, coma sempre, escribades nun papeliño o que habería que poñer nos cadros en branco. Escribide as vosas impresións sobre a xuventude de hoxe. Preocúpanlle á xuventude os problemas de hoxe? Denuncia a xuventude os problemas de hoxe? Etc..


Ah, outra cousa máis: 

Como nos deron o libriño de oracións básicas, para o próximo día vouvos preguntar esas oracións. Aprendede as que non saibades, por favor. 


Feliz semana. 

domingo, 13 de xaneiro de 2019

O Pentecostés e a historia de María Vallejo Nágera.


A ver se nos aclaramos dunha vez, que tendes a cabesiña moi dura: o Pentecostés foi a chegada do Espíritu Santo sobre os apóstolos, tras a partida de Xesús.

Os apóstolos botaran nove días de oración e axuno no cenáculo da última cea. Tras nove días chegou o consolador prometido por Xesús, dun xeito que ninguén esperaba. Aquí tendes un resumo. 




O que vos poño de seguido é unha testemuña que dou nunhas xornadas, se procurades en Youtube atoparedes con facilidade máis conferencias e charlas dela.


María era unha muller de clase alta, ex-modelo, escritora, casada cun enxeñeiro que traballaba na City de Londres, e que levaba unha vida despreocupada e frívola. Un día sentiu unha chamada, fixo unha visita a Medjugorje e en tres segundos, tras recibir o rocío do Espíritu Santo, a súa vida dou un envorque absoluto. Dende aquela escrebe libros fundamentalmente de carácter católico, explica a súa conversión en charlas coma esta e divulga a mensaxe de Medjugorje e a das outras aparicións marianas e sobre as ánimas do purgatorio.


Podedes ver o vídeo e se queredes comentámolo na próxima.


Feliz semana.

A chamada.


Ola a todos. 

Desta vez imos ler as pasaxes bíblicas da páxina 14.

Na primeira fálanos de como Xesús atopa a Pedro, Andrés, Santiago e Xoán. En principio chámaos e invítaos a ir canda El. Eles fano de contado, deixando canto teñen.

Posteriormente fala con eles e dilles que non serán servos senón amigos.

Valoremos un par de cousas sobre isto.

Como considerades que poido ser que os apóstolos comezaran por abandonar todo, mesmo deixando ao seu propio pai na barca co resto dos empregados? E, como pensades que consideraba Xesús a amizade?

Feliz semana.